కమిన్స్ రీఎంట్రీ... టాస్ గెలిచిన సన్ రైజర్స్

ఐపీఎల్ 2026లో భాగంగా జైపూర్‌లోని సవాయ్ మాన్‌సింగ్ స్టేడియంలో రాజస్థాన్ రాయల్స్‌తో మ్యాచ్‌లో సన్‌రైజర్స్ హైదరాబాద్ టాస్ గెలిచింది. కెప్టెన్ ప్యాట్ కమిన్స్ ఎలాంటి తడబాటు లేకుండా ఫీల్డింగ్ ఎంచుకున్నాడు. ఈ మ్యాచ్‌తో కమిన్స్ తిరిగి జట్టులోకి వచ్చాడు.

టాస్ అనంతరం సన్‌రైజర్స్ కెప్టెన్ పాట్ కమిన్స్ మాట్లాడుతూ, "మేము ముందుగా బౌలింగ్ చేయాలని నిర్ణయించుకున్నాం. వికెట్ బాగుంది, అయితే ఛేదనకు ఎంత లక్ష్యం అవసరమో చూడాలి. కొంతకాలంగా ఆటకు దూరంగా ఉన్నా, శరీరం చాలా ఉత్సాహంగా ఉంది. హైదరాబాద్ పిచ్ మాకు బాగా తెలుసు, కానీ బయట మైదానంలో ఆడటం ఒక సవాలు. ఇక్కడి పరిస్థితులకు త్వరగా అలవాటు పడాలి" అని తెలిపాడు. మధుశంక స్థానంలో తాను, హర్ష్ దూబే స్థానంలో ప్రఫుల్ హింగే జట్టులోకి వచ్చినట్లు కమిన్స్ వివరించాడు.

రాజస్థాన్ రాయల్స్ కెప్టెన్ రియాన్ పరాగ్ మాట్లాడుతూ, "టాస్ గెలిస్తే మేము కూడా బౌలింగే ఎంచుకునేవాళ్లం. అయినప్పటికీ, సొంత మైదానంలో లక్ష్యాన్ని కాపాడుకోవడంపై మాకు నమ్మకం ఉంది. ఈ వికెట్ మాకు బాగా అలవాటు. గత సీజన్‌లో కొన్ని కీలక ఓవర్లలో వెనుకబడ్డాం, కానీ ఈసారి 40 ఓవర్ల పాటు నిలకడగా రాణించాలనేది మా లక్ష్యం. మిడిల్ ఆర్డర్ బ్యాటర్లు, నేను బాధ్యత తీసుకోవాల్సిన అవసరం ఉంది" అని పేర్కొన్నాడు.

జట్ల వివరాలు:

సన్‌రైజర్స్ హైదరాబాద్ 
అభిషేక్ శర్మ, ఇషాన్ కిషన్, హెన్రిచ్ క్లాసెన్, సలీల్ అరోరా (వికెట్ కీపర్), అనికేత్ వర్మ, నితీష్ కుమార్ రెడ్డి, పాట్ కమిన్స్ (కెప్టెన్), శివాంగ్ కుమార్, సాకిబ్ హుస్సేన్, ప్రఫుల్ హింగే, ఎషాన్ మలింగ.

రాజస్థాన్ రాయల్స్
యశస్వి జైస్వాల్, వైభవ్ సూర్యవంశీ, ధ్రువ్ జురెల్ (వికెట్ కీపర్), రియాన్ పరాగ్ (కెప్టెన్), షిమ్రాన్ హెట్మెయర్, డోనోవన్ ఫెరీరా, రవీంద్ర జడేజా, జోఫ్రా ఆర్చర్, తుషార్ దేశ్‌పాండే, నాండ్రే బర్గర్, బ్రిజేష్ శర్మ.

ఇంపాక్ట్ సబ్స్:

రాజస్థాన్ రాయల్స్: లువాన్-డ్రే ప్రిటోరియస్, రవి బిష్ణోయ్, రవి సింగ్, సందీప్ శర్మ, శుభమ్ దూబే.

సన్‌రైజర్స్ హైదరాబాద్: స్మరన్ రవిచంద్రన్, లియామ్ లివింగ్‌స్టోన్, హర్ష్ దూబే, హర్షల్ పటేల్, ట్రావిస్ హెడ్.